英華女校重返半山 自行收生逾900申請 近20年新高

elbar

英華女學校重建遷校時保留了60多套至少50年歷史的木製桌椅（圖），校友協助翻新後，桌椅重現新校舍兩間中六級課室。圖為兩名應屆文憑試考生昨回校備試。



英華女學校校長關翰章（圖）介紹新校舍時表示，校園設計採用大量弧線，突顯女性特色，教學樓頂部近似橢圓形的設計，寓意教育學生有全面發展。


【明報專訊】逾百年歷史的英華女學校6年多前因校舍重建，由中西區羅便臣道遷至深水埗區，工程近日竣工，新校舍總面積增逾1倍，學生上周已到校舍幫忙打掃，並於昨日起正式遷回中西區上課。隨新校舍啟用，下學年入學學生將是首批使用新校舍的新生，該校在2019/20學年自行分配學位階段收到900多份申請表，為近20年以來新高，料約18個人爭一學位。



                                                 

英華女學校重建時，除羅便臣道原來校址，教育局亦將鄰近的卑利士道那打素醫院護士宿舍舊址一併撥入重建用地，前者重建後包括一個可容納1200人的大禮堂，同時保留逾90年歷史的幼稚園舊址作校史館；後者則包括一個設200人觀眾席的劇院，作演講和辯論等用途，整體校舍總面積由4000多平方米增至9000多平方米。


新校舍強調空間感，校長關翰章解釋，設計有助推動學生身心靈健康，「如果學生能夠有大些地方，其實都幫到她們心靈變得廣闊，有什麼問題，抬頭望天，或黃昏時望外面環境，其實都會健康些」，亦期望能擴闊學生胸襟和國際視野。


回顧該校遷至深水埗區首年，自行分配學位階段申請者數目經歷輕微下降，其後按年回升至800多人，關翰章說，下學年自行分配學位階段有51個學額，最終收到900多份申請，雖認為增長不是百分百與新校舍啟用有關，但認同有一定程度正面影響。


續讓學生訪深水埗露宿者


該校早年亦讓學生走入深水埗區，探訪露宿者和長者，關翰章說，將繼續與友校英華書院合作，讓學生在深水埗區了解露宿者生活，同時安排學生在西環等地區探望老人院等，「真正的教育不是要訓練考試機器，要訓練學生能尊重和接納其他人和文化」。


新校舍聳立於半山，面向維港，關翰章說，學生上周參觀時也表現得非常興奮，校方早前亦安排學生幫忙抹窗和清潔桌椅，讓學生明白「不是別人付出你去享受，（學生）也要做一些事」，亦教育她們愛惜校園設施。去年關接受本報訪問時表示，整個重建計劃期望籌募兩億元，關昨表示現籌得約1.3億元，故暫未開展興建游泳池和室內運動場的工程。

b3410

好吸引！

seavl

elbar 發表於 19-3-26 08:56
英華女學校重建遷校時保留了60多套至少50年歷史的木製桌椅（圖），校友協助翻新後，桌椅重現新校舍兩間中 ...

我早兩星期行過，重裝修緊

19-3-26 09:15 上傳

下載附件 (1.5 MB)

19-3-26 09:15 上傳

下載附件 (1.21 MB)

19-3-26 09:15 上傳

下載附件 (1.04 MB)

ilyrd

seavl 發表於 19-3-26 09:15
我早兩星期行過，重裝修緊

第一幅相應該唔係正門.

fionaytwong

ilyrd 發表於 19-3-26 09:23
第一幅相應該唔係正門.

Site B 應該係未完晒工

ilyrd

呢個site B就最近地鐵站.可惜泳池未起.

seavl

ilyrd 發表於 19-3-26 09:23
第一幅相應該唔係正門.

上面同下面都影左相

19-3-26 09:58 上傳

下載附件 (1.27 MB)

KCS-W

YWGS仲未完工咩？唔係已經搬咗返去新校舍上堂了嗎？

kirstyau

KCS-W 發表於 19-3-26 10:17
YWGS仲未完工咩？唔係已經搬咗返去新校舍上堂了嗎？

琴日正式上課。

kirstyau

校舍係好靚 但去深水埗交通真係無敵， 有興趣想知點行去新校舍可以去youtube search英華女學校有片

另學校提供早上一程校車服務（金鐘上車），放學正門有巴士落金鐘港鐵/合一堂行去西營盤港鐵

2jkidsfather

kirstyau 發表於 19-3-26 10:23
校舍係好靚 但去深水埗交通真係無敵， 有興趣想知點行去新校舍可以去youtube search英華女學校有片

另 ...

學校位於交通無敵的地方未必是好事

kirstyau

2jkidsfather 發表於 19-3-26 10:28
學校位於交通無敵的地方未必是好事

你有所不知 阿女講極都唔聽，係要行好危險斜路

幸好返學報咗校巴

熱媽

回覆 kirstyau 的帖子

係咪佢約咗D同學仔一齊行斜路先？一齊行就放心D

ilyrd

羅便臣道條斜路, 行人路有冇擴闊?如果冇,有些段好窄,有些危險.

kirstyau

熱媽 發表於 19-3-26 10:39
回覆 kirstyau 的帖子

係咪佢約咗D同學仔一齊行斜路先？一齊行就放心D

就係人行佢又行 唯有做“嫦娥”，睇多2日佢點放學。

KCS-W

kirstyau 發表於 19-3-26 10:21
琴日正式上課。

哇！好幸福啊！新校舍睇落好靚。

fionaytwong

kirstyau 發表於 19-3-26 10:51
就係人行佢又行  唯有做“嫦娥”，睇多2日佢點放學。

咁上下大，有時好難話得聽，佢哋鐘意約埋一齊返都係證明同學之間相處得開心啫。

Yanamami

超吸引由我大女升中(之前)搞到而家大二，終於可以回歸~

kirstyau

fionaytwong 發表於 19-3-26 17:17
咁上下大，有時好難話得聽，佢哋鐘意約埋一齊返都係證明同學之間相處得開心啫。 ...

明呀！咁大個佢人係出面都理唔到咁多， 不過條路好危險，得一個身位，隔離就黃線，巴士係隔離經過真係好驚。

conhui1223

kirstyau 發表於 19-3-26 17:20
明呀！咁大個佢人係出面都理唔到咁多，  不過條路好危險，得一個身位，隔離就黃線，巴士係隔離經 ...

般咸道好似有條樓梯上學校, 羅便臣道係單程路, 去到學校之前一段係冇行人路的, 嗰度唔行得